Dëmtohet kutia elektrike e ndriçimit publik te rruga B, Komuna e Prishtinës thotë se u bë qëllimisht

10:27 | 27 Tetor 2025
E.G

Komuna e Prishtinës ka njoftuar se në rrugën B është dëmtuar kutia elektrike e ndriçimit publik, duke shkaktuar probleme në funksionimin e ndriçimit në atë pjesë të qytetit.

Sipas njoftimit, ky dëmtim ka ndodhur qëllimisht, shkruan Arbresh.info.

“Ekipet e mirëmbajtjes së ndriçimit publik janë njoftuar menjëherë dhe do të ndërhyjnë për ta rregulluar dëmtimin sa më shpejt që të jetë e mundur. Kryeqyteti e dënon çdo veprim të tillë që dëmton pronën publike dhe cenon sigurinë e qytetarëve.”, thuhet në njoftim.

Komuna ka bërë të ditur se për rastin është njoftuar edhe Policia e Kosovës për procedurat e mëtejshme.

“Ftojmë qytetarët që të raportojnë raste të ngjashme, në mënyrë që të reagojmë sa më shpejt.”, thuhet tutje./Arbresh.info